Oqýshylar arasynda shahmattan álem chempıonaty ótedi
Qazaqstan shahmat federatsııasy málimetine qaraǵanda chempıonat 7, 9, 11, 13, 15 jáne 17 jasqa deıingi jas sanattarynda uldar jáne qyzdar úshin jeke jarys ótedi.
Chempıonat FIDE jarystarynyń jalpy erejelerine sáıkes 9 týrdan turatyn shveıtsarııa júıesi boıynsha ótkiziledi.
Ýaqytty basqarý: ár qadam úshin 90 mınýt + 30 sekýnd.
Jarys sońynda ár sanattaǵy úsh úzdik oıynshy altyn, kúmis jáne qola medal oljalaıdy. Chempıonattyń qalǵan qatysýshylaryna sertıfıkat beriledi.
13, 15 jáne 17 jasqa deıingi sanattaǵy jeńimpazdarǵa FM/WFM ataǵy beriledi. Kúmis jáne qola medal ıegerleri SM/WCM tıtýlyna ıe bolady.
7, 9 jáne 11 jasqa deıingi jeńimpazdar, sondaı-aq kúmis jáne qola medal ıegerleri CM/WCM tıtýlyn alady.
Qatysýǵa ótinish pen tólemdi Qazaqstan shahmat federatsııasynyń office@kazchess.kz resmı pochtasyna 22 sáýir saǵat 12:00-ge deıin jiberý kerek.
Jarys FIDE jáne Panama shahmat federatsııasynyń qoldaýymen ótedi.
