Oqýshylar arasynda ótken baıqaýdyń jeńimpazdary anyqtaldy
ALMATY. Aqpannyń 9-y. QazAqparat /Názıra Eleýhan/ - Búgin Almatyda "Qarasaı aýdandyq bilim qory" korporatıvti qory Qarasaı aýdany oqýshylarynyń arasynda rýhanı-ónegelilikke, otansúıgishtikke tárbıeleý taqyrybynda ótken baıqaýdyń jeńimpazdaryn marapattady,
dep habarlaıdy QazAqparat.
Atalmysh qor QR Tuńǵysh Prezıdenti Qorynyń qoldaýymen jańa jyldyń basynyn beıneleý óneri boıynsha "Shamalǵan meniń aýylym", "Men jáne meniń Otanym!"atty shyǵarmalar baıqaýyn jáne "Meniń Qazaqstanym!" dep atalatyn patrıottyq ánder baıqaýyn, sonymen qatar qoldanbaly óner baıqaýyn ótkizgen bolatyn.
"Beıneleý óneri boıynsha baıqaýǵa 108 jumys usynyldy. Barlyq sýretter asqan sheberlikpen salynyp, balalar berilgen taqyrypty asha bilgen. Patrıottyq ánder baıqaýyna 100-den asa oqýshy qatysty. Al, qoldanbaly óner baıqaýyna 145 jumys usynyldy. Onyń ishinde ár túrli aǵash, bıser, ulýtastardan, balyq súıekterinen jáne taǵy da basqa materıaldardan jasalǵan buıymdar bar. Shyǵarmalar baıqaýyna 60-tan asa balalar óz jumystaryn usyndy. Tańdaý qıynǵa tústi. Sebebi, Otanǵa degen súıispenshilikpen, mahabbatpen jazylǵan shyǵarmalar óte kóp boldy", dedi ádil qazylar alqasynyń múshesi, "Qarasaı aýdandyq bilim qory" korporatıvti qorynyń atqarýshy dırektory Erkin Israılov. Onyń aıtýynsha, sharanyń negizgi maqsaty - oqýshylardy Otandy, týǵan jerdi súıýge tárbıelep, talantty balalardy anyqtaý bolyp tabylady.
