Oqýshylar arasynda KVI juqtyrýdyń 184 jaǵdaıy tirkeldi

NUR-SULTAN. QazAqparat – Kezekshi synypta oqıtyn 73 balada indet anyqtaldy. Bul týraly QR Densaýlyq saqtaý vıtse-mınıstri – QR Bas memlekettik sanıtar dárigeri Erlan Qııasov málim etti, dep habarlaıdy QazAqparat tilshisi.

«Oqý jyly bastalǵaly oqýshylar arasynda KVI juqtyrýdyń 184 jaǵdaıy tirkeldi. Onyń ishinde kezekshi synypta oqıtyn 73 balada anyqtaldy. Sáıkesinshe, baılanysta bolǵan 1 012 adam belgili boldy, olardyń arasynda on adamda indet anyqtaldy», - dedi vıtse-mınıstr Ortalyq kommýnıkatsııalar qyzmetinde.

Onyń sózine qaraǵanda, qashyqtan oqyp júrgen balalar arasynda indet juqtyrýdyń 111 oqıǵasy tirkeldi. Olar boıynsha qarym-qatynasta bolǵan 317 adam anyqtalyp, KVI-diń 19 faktisi belgili boldy.