Oqýshylar arasynda «Kóńildiń asyl pernesi: N.Nazarbaevtyń án shyǵarmashylyǵy» atty konkýrs ótti (FOTO)

ASTANA. QazAqparat - Elorda oqýshylary arasynda Qazaqstan Respýblıkasynyń Tuńǵysh Prezıdenti kúnine arnalǵan «Kóńildiń asyl pernesi: N.Nazarbaevtyń án shyǵarmashylyǵy» atty konkýrs júldegerleri marapattaldy. Konkýrsty uıymdastyrýǵa QR Tuńǵysh Prezıdenti Mýzeıi men M.Ótemisov atyndaǵy oqýshylar saraıy uıytqy bolǵan.

Mýzeıdegi pedagogıkalyq ortalyqtyń jetekshisi Raýza Qazbekovanyń aıtýynsha, konkýrsqa jalpy sany 48 mektep qatysýǵa ótinish bergen eken. «Ótinish bergen 48 ujym bolsa, sol mektepter arasynda 18 ujym irikteýden ótti. Barlyǵy 100-ge tarta oqýshy qatysýda. Konkýrstyń úshinshi nomınatsııasy retinde balalardyń ózderi jazǵan óleńderin tyńdaıyq dedik. Osy nomınatsııa boıynsha balalar birtalaı óleń jazǵan»,-deıdi R.Qazbekova. Onyń aıtýynsha, konkýrstyń negizgi maqsaty Memleket basshysy N.Nazarbaevtyń ánderi men Elbasyna arnalǵan ánderdi jastar arasynda nasıhattaı túsý. Jalpy, jarys 1 qarashadan bastalǵan. Іrikteýden ótken júzge tarta oqýshy «Babamnan qalǵan keń dalam», «Prezıdenttiń súıikti ánderiniń yrǵaǵymen án salý», «Patrıottyq taqyryptaǵy avtorlyq shyǵarmalar» atty úsh nomınatsııa boıynsha óner kórsetti.