Oqýshylar arasynda «Kólikter-2» mýltfılminiń sıýjetine jazylǵan qazaq tilindegi shyǵarmalar baıqaýy jarııalandy
ASTANA. 27 qazan. QazAqparat /Gúlmıra Alıakparova/ - «Bolashaq» qaýymdastyǵy men «Meloman» kompanııasy oqýshylar arasynda «Kólikter-2» anımatsııalyq fılminiń sıýjetine jazylǵan qazaq tilindegi shyǵarmalar baıqaýyn jarııalady.
Osyǵan oraı, 28 qazan kúni saǵat 11.00-de «Arsenal» kınoteatrynda mektep oqýshylary úshin qazaq tilindegi golıvýdtyq mýltfılmniń kórsetilimi bolady. Osyndaı kórsetilim dál osy kúni, saǵat 11.00-de Almaty qalasynyń «Star Cinema» («Mega» SOO) kınoteatrynda ótedi.
Anyq bolǵandaı, anımatsııalyq fılmdi oqýshylar nazaryna Óskemen, Kókshetaý jáne Oral qalalarynyń kınoteatrlary da usynatyn bolady.
«Dısneı» stýdııasy úshin qazaq tili resmı dýblıaj jasalǵan 39-ynshy til boldy. 1 qarashada «Kólikter-2»-niń resmı dıskisi kórermenderge jol tartady. Endi dıskiniń «Tilder» mázirinde qazaq tili paıda bolady.
