Oqýshylar 93 keli balmuzdaqty urlap ketti
ASTANA. 27 maýsym. QazAqparat - Reseıdiń Saratov oblysyndaǵy Volsk qalasynda oqýshylar 93 keli balmuzdaqty urlap ketken.
Balmuzdaqtyń urlanýy týraly polıtsııaǵa tońazytqysh qondyrǵysynyń ıesi shaǵym túsirgen. Ony Volsk kóshelerinde qydyryp júrgen toǵyzynshy synyptyń úsh oqýshysy urlaǵan bolyp shyqty. Bul jaıly RBK -ǵa silteme jasap Eýrazııa birinshi arnasy habarlady.
Іshine balmuzdaq salynǵan tońazytqysh qurylǵysyn baıqaǵan oqýshylardyń biri ony buzý týraly oıyn aıtady, al tońazytqyshty onyń ıesi túngi mezgilde kóshege qaldyrǵan eken. Sóıtip, jasóspirimder jalpy somasy 16 myń rýbl turatyn balmuzdaqty urlap áketken. Degenmen oqýshylardyń 93 kelini qalaı kóterip ketkenderi belgisiz.
Qazirgi tańda oqýshylar ustaldy. Ata-analary keltirilgen shyǵynnyń ornyn japqanyna qaramastan, olarǵa qatysty qylmystyq is qozǵalýy múmkin.
