Oqýshyǵa seksýaldy sıpattaǵy áreketter jasaǵan Oral turǵyny ustaldy
ORAL. QazAqparat – Oqýshyǵa seksýaldyq sıpattaǵy azǵyndyq áreketter jasaǵan 23 jastaǵy Oral turǵyny ustaldy, dep habarlaıdy QazAqparat tilshisi polisia.kz saıtyna silteme jasap.
Qolǵa túsken er adam kinásin moıyndap, atalǵan derek boıynsha qylmystyq is qozǵaldy.
BQO polıtsııa departamenti málim etkendeı, oqıǵa tamyz aıynyń ortasynda qaladaǵy sý qoımalarynyń biriniń mańynda bolǵan. 14 jasar qyzdyń anasy 3 qyrkúıek kúni polıtsııaǵa shaǵym túsirgen. Kúdikti sol boıda anyqtalyp, ustaldy.
Qazirgi kezde QR QK 124-baby 1-bólimine (kórineý jas balaǵa qatysty kúsh qoldanbaı azǵyndyq áreketter jasaý) sáıkes sotqa deıingi tergeý amaldary júrgizilýde.
Atalǵan bap boıynsha aıypty dep tanylǵan adam belgili bir laýazymdardy atqarý nemese belgili bir qyzmetpen aınalysý quqyǵynan jeti jyldan on jylǵa deıingi merzimge aıyryla otyryp, bes jyldan on jylǵa deıingi merzimge bas bostandyǵynan aıyrýǵa jazalanady.
Eske sala keteıik, budan buryn BQO-da sýretshige kómektesip júrgen volonterdiń tokka túsip, qaza tapqanyn jazǵan bolatynbyz.
