Oqýshyǵa qol kótergen qostanaılyq muǵalimge qatysty is qozǵaldy
QOSTANAI. QazAqparat – Qostanaıdaǵy mektepterdiń biriniń muǵalimine qatysty ákimshilik is qozǵaldy, dep habarlaıdy QazAqparat Qostanaı oblysy polıtsııa departamentiniń baspasóz qyzmetine silteme jasap.
«Bul derek Qostanaı qalasynyń polıtsııa basqarmasynda tirkeldi. Muǵalimge qatysty QR ÁQBK 73-2 baby «Dene jaraqatyn salý» boıynsha ákimshilik is qozǵaldy» delingen vedomstvo habarlamasynda.
Іs derekterine súıensek, Qostanaı turǵyny 5-synypta oqıtyn qyzyn sabaq ýaqytynda muǵalimniń urǵanyn aıtyp, polıtsııaǵa júgingen. Qazir oqıǵanyń naqty sebepteri anyqtalyp jatyr.