Oqýshy jattyqtyrýshyny ádeıi atýy múmkin be?
ASTANA. QazAqparat - Reseıdiń Kemerovo oblysynyń tergeýshileri oqýshy qolynan qaza tapqan bapkerdiń ólimine qatysty tergeý amaldaryn júrgizip jatyr, dep habarlady Rosbalt.
Bolashaǵynan zor úmit kúttiretin kámeletke tolmaǵan oqýshy bapkerdi ádeıi óltirýi múmkin be?
Oq atqan kezde 25 jastaǵy jattyqtyrýshy Andreı Kıselev oqýshysynyń qalaı oq atatynyn baqylaýǵa daıyndalyp, ústelge otyrady. Kenet aldynda turǵan oqýshynyń oqys burylyp atqan oǵy bapkerdiń basyna tıedi. Dáriger shaqyrtylǵanymenjattyqtyrýshy jedel járdem kóliginde kóz jumady. Jasóspirimniń aıtýynsha, ol qarýda oq joq dep oılaǵan.
Qaıǵyly oqıǵa 13 maýsymda bolǵanymen, baqylaý kamerasynda jazylǵan vıdeo jaqynda Internetke shyǵyp, kópshiliktiń talqysyna tústi.
