Oqýshy ólimine qatysty kúdikti 2007 jyldan beri psıhıkasyna baılanysty tirkeýde turǵan - Prokýror
ASTANA. QazAqparat - Astanada mektep oqýshysynyń ólimine qatysty kúdikti psıhıkalyq ortalyqta tirkeýde turǵany anyqtaldy. Bul týraly búgin osy oqıǵaǵa arnalǵan brıfıngte elordalyq Esil aýdanynyń prokýrory Birjan Majrenov málim etti.
«Qazirgi ýaqytta Astana qalasy ІІD tergeý basqarmasymen atalǵan fakti boıynsha aldyn ala tekserý amaldary júrgizilip jatyr. Aldyn ala tekserý amaldaryn ótkizý QR Qylmystyq Kodeksiniń 15-babyna sáıkes, kámelettik jasqa jetpegen sezikti qylmystyq jaýapkershilikke tartylatyn jasqa, ıaǵnı 14-ke tolmaǵandyǵy negiz boldy»,-dedi ol.
Osy oraıda ólimniń sebebin anyqtaýǵa baǵyttalǵan sot-medıtsınalyq saraptama jáne basqa da sot-krımınalıstıkalyq saraptamalary taǵaıyndaldy. «Sonymen qatar, kúdikti 2007 jyldan psıhıkalyq densaýlyq ortalyǵynda esepte turǵany anyqtaldy. Alaıda bıylǵy tamyzda dárigerlik-keńestik komıssııanyń qorytyndysyna sáıkes, 2014-2015 oqý jylynda jalpy oqý ádistemelik baǵdarlama boıynsha orta mektep jaǵdaıynda oqýy usynylǵan. Bul onyń orta mektepke qabyldanýyna negiz boldy», - dedi B. Majrenov.
Prokýratýranyń málimetinshe, keshe saǵat 11:30 shamasynda Esil aýdany Іshki ister basqarmasy kezekshi bólimine №76 mektep-lıtseıde sabaq barysynda 8 synyptyń eki oqýshysynyń arasynda janjal týyndap, sonyń saldarynan bireýi ekinshisiniń keýde tusyna anyqtalmaǵan zatpen soqqy jasaǵany týraly habarlama túsken.
Aıta keteıik, QR Bilim jáne ǵylym mınıstrligi tarapynan osy oqıǵanyń mán-jaıyn anyqtaýǵa baılanysty komıssııa quryldy.
