Oqýshy Qyzyl kitapqa engizilgen jaraly qusty qutqardy
ASTANA. QazAqpara - Pavlodarda 16 jastaǵy Darıǵa Igilikova aýlasynan suńqar tobyna jatatyn jyrtqysh qusty taýyp aldy.
Oqýshy Toraıǵyrov kóshesi, 56 mekenjaıy boıyndaǵy turǵyn úıdiń aýlasynda júrgende qoqys janynda ıttiń úrip turǵanyn kórip, barǵan kezde kólemi 25 santımetr jaraly qusty baıqap qalǵan dep habarlaıdy pavlodarnews.kz .
«Men ákeme qońyraý shaldym», - deıdi Darıǵa. - Ol qolǵap kıip, qorapqa salyp qoıdy. Úıge ákelgennen keıin sý men nan berdik. Biraq ol jegan joq. Biz onyń jyrtqysh qus ekenin sol sátte bilmegen edik. Biraz ýaqyttan soń veterınarlyq klınıkaǵa barǵanymyzda onyń Orta Azııa elderinde Qyzyl kitapqa engizilgeni týraly aıtty. Qusty qarap shyqqan kezde tabanyn mysyq tyrnap alǵany nemese bireý teýip jibergeni belgili boldy.
Darıǵanyń sózinshe, shól jerlerde kezdesetin suńqar Kenjekólde búrkit pen suńqar ósiretin adamǵa tapsyrylǵan. - Bizge onyń qalypqa kelýine bir aı ýaqyt kerek ekenin aıtty, - deıdi ol. - Qusqa et beredi. Sebebi ol tyshqandar men saryshunaqtardy aýlaıdy. Eger bir aıdan soń ushyp ketpese, sol jerde qalady. Odan adamǵa eshbir qaýip joq».
Aıta keteıik, bıdaıyq - suńqarlar tuqymdasyna jatatyn jyrtqysh qus. Ońtústik Qazaqstan, Jambyl, Almaty, Shyǵys Qazaqstan oblystarynyń taýly aýdandarynda kezdesedi. Taýly-tasty jerlerdi, jarlar men quzdardy meken etedi. Uıasyn bıik, tik jartastarǵa salady, basqa qustardyń uıalaryn da paıdalana beredi. Aqsý-Jabaǵyly, Almaty qoryqtarynda qorǵalady. Almaty haıýanatttar parkinde bıdaıyqtyń eki juby tirshilik etedi. Bıdaıyq sırek kezdesetin qus bolǵandyqtan, Qazaqstannyń Qyzyl kitabyna engizilgen.
