Oqýshy qyz qara jorǵa bıleıtin robot qurastyrdy
Kentaý qalasyndaǵy №23 orta mekteptiń 5-synyp oqýshysy Arýjan Smaıl Oqýshylar saraıyndaǵy robototehnıka úıirmesine qatysady. Jas ónertapqysh tálimgeri Aqnıet Elemesovanyń jetekshiligimen bıshi qultemir qurastyrdy.
«Basty maqsatymyz – «Arqan tartý», «Kókpar», «Teńge alý» sekildi qazaqtyń ulttyq oıyndaryn tehnıkalyq salamen ushtastyrý jáne óskeleń urpaqtyń qyzyǵýshylyǵyn arttyrý, olarǵa jol ashý»,– deıdi Aqnıet Elemesova.
Arýjannyń aıtýynsha, úıirmege alǵash qatysqannan robototehnıkaǵa qyzyǵýshylyǵy artqan. Ol ulttyq dástúrlerdi nasıhattaýǵa baǵyttalǵan joba jasaǵysy keldi jáne oıyn júzege asyrdy.
«Qara jorǵa» bıleıtin erekshe robotty ol Naýryz merekesinde kópshilikke tanystyrdy. Arýjan robototehnıkada ǵana emes, jaratylystaný-matematıka baǵytyndaǵy pánderden de ozat oqýshy.
