Oqýshy Ekinshi dúnıejúzilik soǵys kezinde apatqa ushyraǵan ushaqty taýyp aldy
ASTANA. QazAqparat - Danııanyń soltústigindegi Bırkelse eldi mekeninde 14 jastaǵy oqýshy Danıel Krıstıansen tarıh páninen úı tapsyrmasy boıynsha artefaktiler izdeý barysynda Ekinshi dúnıejúzilik soǵys kezindegi nemis joıǵysh ushaǵynyń qaldyǵyn tapty.
Bul týraly CNN arnasy habarlady.
«Biz alqapqa metall izdeýshimen shyqtyq. Birneshe eski taqtaıshalar tapsaq eken degen úmitte bolatynbyz», - dedi Danıeldiń ákesi Klaýs.
Messerschmitt fırmasy qurastyrǵan ushaqtyń birneshe jaryqshaqtaryn alǵannan soń, onyń qalǵan bóligin izdeý úshin ekskavator jaldaǵan Krıstıansender ushqyshtyń súıegin tapty. «Alǵashynda batpaq arasynan metall synyqtaryn, sodan keıin oılamaǵan jerden adam súıegi men kıim qaldyqtaryn kezdestirdik», - dedi Klaýs Krıstıansen. Ol ushaqtyń shamamen 1944 jyly qulaýy múmkin ekenin atap ótti.
Soltústik ıÝtlandııanyń tarıhı mýzeıi ushaq qaldyqtaryn zertteýmen aınalysyp jatyr, olar jaqyn arada ushqyshtyń aty-jónin anyqtaýy múmkin.
Jergilikti polıtsııa tabylǵan olja týraly GFR elshiligine habar berdi.
