Oqýshy bala qyrǵyz prezıdentinen jańa jyldyq syılyqqa kúshik surap aldy
ASTANA. QazAqparat - Jalal-Abad oblysynyń mektep oqýshysy Erlan Tashbaev prezıdent Almazbek Atambaevtan jańa jyldyq syılyqqa alabaı kúshigin aldy. Ol bul jaıynda Turmush tilshisine aıtyp berdi.
Bıyl Erlanǵa dosy Nurbaq kúshik syılaǵan, alaıda ol ólip qaldy. «Kúshik úsip ólgende, kúni boıy jyladym. Sosyn «Shyrsha» atty reseılik fılm kórdim. Onda Reseı prezıdenti balanyń armanyn oryndaıdy. Men de prezıdentke hat jazbaqshy bolyp sheshtim», - dedi ol.
Hatta ózi jaıly, Jańa jylda syılyqqa kúshikten basqa qandaı syılyq qalaıtynyn jazdy. Biraq ony ata-anasyna aıtpady. Hatty Bishkekke jol júrgen ápkesi Aınurdan berip jiberdi. Ol hatty Aq úıge aparǵan.
«Men jańa jyldyq shyrshaǵa qatysqym kelgen, tilegim oryndalyp, prezıdenttik shyrshaǵa qatystym. Aǵalaryma kompıýter suradym. Anamda kompıýter bar, biraq onymen ol ózi jumys isteıdi. Ózime telefon da suradym, sebebi ózimdikin joǵaltyp alǵanymyn. Telefon maǵan anammen sóılesip turý úshin qajet boldy. Kórshiler birlik joq dep, telefondaryn bere bermeıdi», - dedi ol.
Jańa jyl qarsańynda Erlanǵa qonaqtar keldi. Memleket basshysynyń syılyǵyn Jalal Abad oblysy úkimetiniń ókiletti ókili Qyıanbek Satybaldıev alyp keldi.
«Kúshik - eń basty armanym ed. Barlyq tilegim oryndaldy», - dedi ol.
Erlan qazir 6 synypta oqıdy, ol otbasyndaǵy úshinshi bala. 
