Oqýshysy shampýrdan qaza tapqan mekteptiń dırektory jumystan shyǵaryldy
ASTANA. KAZINFORM – Іshki ister mınıstriniń orynbasary Sanjar Ádilov Májilistiń jalpy otyrysynan keıin Almaty oblysyndaǵy oqýshy ólimi boıynsha qozǵalǵan qylmystyq istiń jaı-japsaryn málim etti.
- Shampýrdan kelgen kisi ólimi týraly aıtsaq, qazirgi tańda «Qasaqana adam óltirý» baby boıynsha is qozǵalyp, kámeletke tolmaǵan kúdikti qamaýǵa alynda. Tergeý amaldary júrip jatyr. Sot sanktsııasy boıynsha qamaýǵa alynyp, tergeý ári qaraı jalǵasyp jatyr. Tergeýshiler Qylmystyq-protsestik kodekstiń 200-baby boıynsha jergilikti ákimdikke usynys berdi. Mektep dırektory qyzmetinen bosatyldy. Onyń orynbasary men eki synyp jetekshisi tártiptik jazaǵa tartyldy, - dedi Sanjar Ádilov.
Eske salsaq, Almaty oblysynda oqýshy óz synyptasyn óltirdi degen kúdikke ilingen bolatyn.