Oqýshynyń baspaldaqtan qulaýy oqıǵasynda mektep dırektoryn jazalaý durys emes - Záýresh Battalova

Astanada oqýshynyń baspaldaqtan qulaýy oqıǵasynan keıin tek mektep dırektoryn jazalaý sheshimi durys emes. Bul týraly Parlamenti Májilisi janyndaǵy Qoǵamdyq palatanyń otyrysynda «Qazaqstandaǵy parlamentarızmdi damytý qory» QQ Prezıdenti Záýresh Battalova aıtty, dep habarlaıdy QazAqparat tilshisi.

«Jaqynda Astanada bir bala ekinshi qabattan qulap, mektep dırektory jumystan qýyldy. Bul oqıǵada dırektordy jazalaýdan basqa sheshim qabyldanbady. Shyn máninde, negizgi problema múldem basqada. Mektep dırektory ár oqýshynyń qolynan ustap, baspaldaqtan túsire almaıdy. Dırektordy ǵana jazalaý - qate sheshim», - dedi Z. Battalova Qoǵamdyq palatanyń otyrysynda balalar qaýipsizdigi taqyrybyn talqylaý kezinde.

Onyń paıymynsha, bul oqıǵada egjeı-tegjeıli tekserý júrgizý kerek.

«Meniń oıymsha, dál osy turǵydan alǵanda, mundaı oqıǵalarǵa qoǵam jaǵynan tekserý júrgizilýi kerek. Osyndaı máselelerge qoǵam kóbirek aralasýy qajet», - dedi qor basshysy.

Eske salaıyq, 25 qyrkúıek kúni Astanada oqýshy mektep baspaldaǵynan qulap, aýrýhanaǵa tústi.

Osy oqıǵadan keıin mektep dırektory jumystan shyǵaryldy.