Oqýshyny túngi ýaqytta Playstation klýbyna kirgizgen azamat jazalandy

Pavlodarda túngi ýaqytta oıyn klýbtaryn jaǵalaıtyn jasóspirimder azaımaı tur. Qysqy demalys kúnderi polıtseıler reıd júrgizip, saǵat túngi 22.00-den keıin kóshede, qoǵamdyq oryndarda baqylaýsyz júrgen mektep oqýshylaryn anyqtaǵan, dep habarlaıdy Kazinform.

- Kámeletke tolmaǵan er bala túngi mezgilde ata-anasynyń nemese ózge de zańdy ókilderiniń erip júrýinsiz oıyn-saýyq mekemesinde bolǵan. Playstation klýbyn jalǵa alýshy azamatqa qatysty ákimshilik materıal toltyrylyp, sotqa jiberildi. Sondaı-aq 13 jasar balasyn baqylaýsyz qaldyrǵany úshin anasy da jaýapqa tartyldy, - dedi Pavlodar qalasy polıtsııa bólimi ońtústik polıtsııa bóliminiń aǵa ınspektory ıÝlııa Súndetova.

Ótken jyly aımaq boıynsha 70-ten astam oıyn-saýyq mekemeleri osyndaı kemshilikke jol berip, quqyq qorǵaý organdarynan tıisti jaza arqalaǵan. Buǵan qosa balalarynyń túngi serýeni úshin 2 391 ata-ana jazalandy.

Polıtsııa qyzmetkerleri álgindeı reıdterdi turaqty júrgizgenine qaramastan, klýb ıeleri artyq paıda tappaq nıetpen qoldanystaǵy zańnamaǵa kóz juma qarap otyr.