Oqýshylarǵa kúzgi kanıkýl kezinde arnaıy is-sharalar uıymdastyrylady

Qazaqstandyq mektepterde birinshi toqsan aıaqtalýda. Kúzgi demalys 2023 jyldyń 30 qazany men 5 qarashasyn qosa alǵanda jeti kúnge sozylady, dep habarlaıdy QR Oqý-aǵartý mınıstrliginiń baspasóz qyzmeti. 

Oqý-aǵartý mınıstrligi mektep oqýshylarynyń kúzgi demalystaǵy bos ýaqytyn tıimdi ótkizý jáne jeke tulǵalyq qasıetterin damytý maqsatynda Birtutas tárbıe baǵdarlamasy aıasynda is-sharalar josparyn usynýda.

Іs-sharalar josparyna:

- joǵary synyp oqýshylarymen jáne olardyń ata-analarymen birlesip ǵylymı joba jumystarynyń mazmuny boıynsha aqparattyq-tanymdyq sabaqtar, JOO-nyń oqytýshylarymen kezdesýler uıymdastyrý, ǵylymı jobalar týraly suhbattar ótkizý;

- «Balalar kitaphanasy» jobasyn iske asyrý aıasynda oqyrmandarmen kezdesý uıymdastyrý jáne oqylǵan ádebıetterdi talqylaý;

- «Otbasylyq dástúrler» taqyrybynda ata-analar jınalysyn ótkizý, «Pedagog-bala-ata-ana» birlesýimen otbasylyq dástúrler týraly áńgime júrgizý;

- Qoja Ahmet ıAssaýıdiń týǵanyna 930 jyl tolýyna oraı «Qoja Ahmet ıAssaýı muralaryn oqý» taqyrybynda oqýshylar arasynda esse men jobalyq jumystar jazý;

- oqýshylar arasynda «Ónegeli ómir» taqyrybynda esse jazýdan baıqaý ótkizý, balalardyń úzdik jumystaryn atap ótý;

- oqýshylarmen jáne olardyń ata-analarymen birlesip «Densaýlyq saqtaýdyń 6 sharty – taza aýa, durys tamaqtaný, qozǵalys, tynysh uıqy, jaqsy kóńil-kúı, kúızeliske túspeý» taqyrybynda salaýatty ómir saltyn qalyptastyrý boıynsha is-sharalar ótkizý;

- «Ákege izet, anaǵa qurmet» taqyrybynda «Jas aqyndar aıtysy» baıqaýyn uıymdastyrý, jeńimpazdaryn marapattaý engizildi.

Aıta keteıik, bul is-sharalar bilim berý uıymdaryna ádistemelik usynym retinde jiberiledi.