Oqýshylardyń kúzgi demalysy: mınıstrlik óńirlerge arnaıy usynystar joldady

ASTANA. KAZINFORM — Qazaqstandyq mektepterde birinshi toqsan aıaqtaldy. Oqý-aǵartý mınıstrligi «Adal azamat» birtutas tárbıe baǵdarlamasy aıasynda kúzgi demalysty uıymdastyrý boıynsha usynystar ázirlep, óńirlerge joldady. 

Oqýshylarmen kásiptik baǵdar berý jumysyn júrgizý: kásiporyndarǵa ekskýrsııalar uıymdastyrý, sondaı-aq túrli kásiptiń úzdik ókilderimen kezdesýler ótkizý.

Ómirlik qıyn jaǵdaılarǵa tap bolǵan, úıde oqıtyn oqýshylar úshin: vırtýaldy ekskýrsııalar, onlaın jarystar, psıhologtarmen is-sharalar, belgili bir pánder boıynsha keńes berýler uıymdastyrý mańyzdy.

Ata-analarmen ózara qarym-qatynas qurý: balalarmen birlesip, mádenı-kópshilik jáne dene shynyqtyrý-saýyqtyrý is-sharalaryn, ekskýrsııalar, ınternet-marafondar, ata-analarǵa arnalǵan konferentsııalar men forýmdar ótkizý.

Ata-analarǵa pedagogıkalyq qoldaý kórsetý ortalyqtary: quqyq qorǵaý, densaýlyq saqtaý, tótenshe jaǵdaılar organdarynyń ókilderin shaqyrýmen
tárbıe jumystary jáne zııandy ádetterdiń aldyn alý boıynsha keńes berýler uıymdastyrý.

Balalardyń qaýipsizdigin qamtamasyz etý – mekteptiń de, ata-analardyń da basty mindetteriniń biri. Sondyqtan, atalmysh is-sharalardy ótkizbes buryn kúzgi demalys kezinde oqýshylar men olardyń ata-analaryna ómir qaýipsizdigi jáne densaýlyqty qorǵaý týraly nusqaýlyq júrgizý mańyzdy.

Eske salaıyq, bıylǵy oqý jylynda kúzgi demalys 27 qazannan bastalyp 2 qarashany qosa alǵanda 7 kúntizbelik kún. 

Aıta ketelik oqýshymen birge muǵalimniń de bilim deńgeıin baǵalaıtyn platforma paıda bolǵan edi.