Oqýshylardy mektepten mektepke aýystyrýdy EGov portaly arqyly rásimdeýge bolady
ASTANA. KAZINFORM — Ata-analar men zańdy ókilder balany bir mektepten ekinshi mektepke aýystyrýdy eGov.kz portaly arqyly júzege asyra alady. Bul týraly Oqý-aǵartý mınıstrligi málim etti.
— Onda turǵylyqty jeri boıynsha nemese odan tys kez kelgen bilim berý uıymyn tańdap, ótinishti elektrondy túrde berýge múmkindik bar. Bul qyzmet esepten shyǵarý jáne bekitý talondaryn, sondaı-aq jeke is qujattaryn tapsyrýdy talap etpeıdi. Ótinish berýshi oqý tilin tańdap, qajet bolsa, ótinishin qaıtaryp ala alady, — delingen habarlamada.
Qyzmetti alý úshin:
• eGov.kz portalynda tirkelý;
• «Bilim» → «Orta bilim» bóliminde «Balalardy mektepten mektepke aýystyrý» qyzmetin tańdaý;
• Ótinishti toltyryp, ETsQ kómegimen qol qoıý;
• Nátıjemen Jeke kabınette tanysý kerek.
Eske sala keteıik, buǵan deıin Qazaqstanda 2025-2026 oqý jylynyń merzimi men kanıkýl kestesi bekitilgenin jazǵan edik.