Oqýshylardy qorqytqan: Bishkek mektepterinde qaýipsizdik sharalary kúsheıtildi
ASTANA.KAZINFORM - Keshe keshkisin Qyrǵyzstan áleýmettik jelilerinde belgisiz bireýdiń Bishkektiń birneshe mektebindegi oqýshylarǵa shabýyl jasaımyn dep qorqytqan vıdeo habarlamasy tarady, dep habarlaıdy Kazinform menshikti tilshisi.
Qyrǵyz Respýblıkasynyń Іshki ister mınıstrligi mektep oqýshylaryn qorqytqan er adamdy anyqtady. Mınıstrlik málimetinshe, ol — 2005 jyly 23 qazanda týǵan shetel azamaty ıAroslav Ovsıýk. Bul azamat buryn telefon arqlyly terrorlyq áreketke qatysqany úshin Reseı Іshki ister mınıstrliginiń halyqaralyq izdeýinde bolǵan. Onyń Qyrǵyz Respýblıkasynyń aýmaǵyna ótýi tirkelmegen.
— Oqýshylar men muǵalimderdiń qaýipsizdigin qamtamasyz etý úshin barlyq mektepterge polıtsııanyń qosymsha kúshteri jumyldyryldy. Keıbir bilim berý mekemeleri ýaqytsha qashyqtan oqytýǵa kóshti. Barlyq kelip túsken habarlamalar men ótinishter jedel túrde tekserilip jatyr. Mınıstrlik azamattardy sabyrly bolýǵa, úreılenbeýge shaqyrady, — delingen habarlamada.
«Manas» halyqaralyq áýejaıynda da lańkestik qaýip týraly habardan keıin qaýipsizdik sharalary kúsheıtildi.
«Qyrǵyzstan aeroporttary» AAQ baspasóz qyzmetiniń habarlaýynsha, áýejaıdyń Avıatsııalyq qaýipsizdik qyzmeti termınal ǵımaraty men onyń mańaıynda muqııat tekseris júrgizip jatyr.
— Jolaýshylar men qyzmetkerlerdiń qaýipsizdigin qamtamasyz etý úshin barlyq qaýipsizdik sharalary kúsheıtildi. Tekserý jumysy toqtamaı, barynsha jyldam júrgizilip jatyr. Qazirgi ýaqytta «Manas» áýejaıy qalypty rejımde jumys isteýde. Qaýipsizdikti kúsheıtý jáne qoǵamdyq tártipti saqtaý úshin qosymsha qyzmetter jumyldyryldy, — dep habarlady áýejaıdan.
Bishkek qalasynyń ákimdigi Qyrǵyz Respýblıkasynyń Іshki ister mınıstrliginen alynǵan qosymsha aqparat negizinde mektep oqýshylaryn onlaın oqytýǵa kóshirý týraly sheshimin ózgertti.
- Іshki ister mınıstrliginiń málimetinshe, oqýshylardy qorqytqan vıdeony taratqan adam Qyrǵyzstanda emes. Tizimde kórsetilgen mektepterdiń barlyǵy tekserilip, kúdikti zattar men qaýip tóngeni anyqtalǵan joq. Polıtsııa qyzmetkerleri oqýshylar men muǵalimderdiń qaýipsizdigin qamtamasyz etip, kúsheıtilgen rejımde jumysyn jalǵastyryp jatyr, - delingen habarlamada.
Buǵan deıin Belgııada premerge qarsy lańkestik áreket josparlaǵan úsh kúdikti ustalǵanyn habarlaǵan edik.