Oqýshylar Senat qyzmetimen tanysyp, depýtattarǵa suraq qoıdy
ASTANA. KAZINFORM — Búgin elordalyq oqýshylar Qazaqstan Respýblıkasynyń zań shyǵarýshy organy — Parlament Senatyna bardy, dep habarlaıdy Oqý-aǵartý mınıstrliginiń baspasóz qyzmeti.
Ekskýrsııa senatorlar Nurtóre Baıtelesuly Júsip pen Aınur Serikpaıqyzy Arǵynbekovanyń jetekshiligimen ótti. Olar balalarǵa Senattyń qyzmeti, qurylymy jáne negizgi mindetteri týraly áńgimelep berdi.
Oqýshylar jalpy otyrys zalyna, halyqaralyq kezdesýler zalyna, elektrondyq mýzeıge, baspasóz ortalyǵyna jáne komıtettik tyńdaýlar men dóńgelek ústelder ótetin kabınetke bardy.
— Olar zań shyǵarý protsesiniń qalaı júzege asatynyn óz kózderimen kórip, senatorlarǵa suraqtar qoıyp, parlamenttik qyzmettiń mańyzdylyǵyn tereńirek túsindi, — delingen habarlamada.
Ekskýrsııa shynaıy azamattyq sabaqqa aınalyp, balalardy el ómirine qyzyǵýshylyqpen qaraýǵa shabyttandyrdy.
Osyǵan deıin Oqý-aǵartý mınıstri Ǵanı Beısembaev elordalyq oqýshylarǵa synyp saǵatyn ótkizgenin jazdyq.