Oqýshylar sabaqty jasandy ıntellektiniń kómegimen oryndap júr me – mınıstr jaýaby

ASTANA. KAZINFORM – Oqý-aǵartý mınıstri Ǵanı Beısembaev oqýshylar sabaqty jasandy ıntellektiniń kómegimen oryndaıdy degen pikirge jaýap berdi.

- Keıbireýler aıtyp jatyr, jasandy ıntellekt durys emes, oqýshylar jasandy ıntellektini jumsap, sabaq oqýdy qoıdy deıdi. Bizdiń oqýshylar jasandy ıntellektini paıdalanyp, oqýdy qoıdy, jalqaý bolyp ketti dep jatqandar da bar. Bul jalǵan aqparat. Men oqýshylarǵa senemin, olar jasandy ıntellektini qoldanbaıdy, óıtkeni, ol bilimdi shyńdap, kúsheıtýge ǵana arnalǵan qosymsha qural, - deıdi mınıstr.

Ǵanı Beısembaevtyń málimdeýinshe, jasandy ıntellekt qaýip tóndirmeıdi, ony tek saýatty qoldana bilý qajet.

Eske salaıyq, 14 mamyrda Májilis jasandy ıntellekt týraly úsh zań jobasyn maquldady. 

Búgin Oqý-aǵartý mınıstri Ǵanı Beısembaev elordadaǵy №104 orta mekteptiń túlekterine synyp saǵatyn ótkizdi.