Oqýshylar respýblıkalyq ǵylymı jobalar konkýrsyna 1000- ǵa jýyq joba usynady

ASTANA. KAZINFORM – Oqý-aǵartý mınıstrliginiń «Daryn» respýblıkalyq ǵylymı-praktıkalyq ortalyǵy 2026 jylǵy 17-27 aqpan aralyǵynda jalpy bilim beretin pánder boıynsha respýblıkalyq ǵylymı jobalar konkýrsynyń qorytyndy kezeńin ótkizedi. 

Konkýrs 19 sektsııa boıynsha uıymdastyrylyp, qorytyndy kezeńge 993 oqýshy 756 joba usynady, onyń ishinde komandalyq jobalar sany- 236. Aýyl mektepterinen qatysatyn oqýshylar sany -132.

Qoǵamdyq-gýmanıtarlyq baǵyttaǵy pánder boıynsha qorytyndy kezeń 17-20 aqpan aralyǵynda Qaraǵandy qalasynda ótedi, munda 370 oqýshy 293 jobamen qatysady. Jaratylystaný-matematıkalyq baǵyttaǵy pánder boıynsha kezeń Astana qalasynda 24-27 aqpan aralyǵynda ótkizilip, 623 oqýshy 463 jobamen qatysady.

Respýblıkalyq baıqaýǵa elimizdiń bedeldi joǵary oqý oryndarynyń 60-qa jýyq professor ǵalymdary qazylyq etedi. Baıqaý erejesine sáıkes, jalpy qatysýshylardyń 45%-i Oqý-aǵartý mınıstrliginiń І, ІІ, ІІІ dárejeli dıplomdarymen, sondaı-aq altyn, kúmis jáne qola medaldarymen marapattalady.

Eń úzdik jobalar jaratylystaný-matematıkalyq pánderi boıynsha Qazaqstan atynan Regeneron ISEF-2026 Halyqaralyq ǵylymı-tehnıkalyq kórmesine usynylady, ol 2026 jylǵy 9-15 mamyr aralyǵynda AQSh-tyń Arızona shtatyndaǵy Fınıks qalasynda ótedi. 

Aıta ketelik 2026 jyly elimizde 47 myń oqýshyǵa arnalǵan 90 mektep salynady.