Oqýshylar men búldirshinder Halyqaralyq áıelder kúnine oraı merekelik hor oryndaldy
ASTANA.KAZINFORM - Elordanyń mektepteri men balabaqshalarynda 8 naýryz – Halyqaralyq áıelder kúnine oraı bir mezgilde merekelik hor oryndaldy, dep jazdy Astana ákimdiginiń resmı saıty.
Balalarǵa qosymsha bilim berý oqý-ádistemelik ortalyǵy uıymdastyrǵan is-sharaǵa astanalyq mektepterdiń 6-7 synyp oqýshylary jáne balabaqsha búldirshinderi astalysty.
– Chellendj óskeleń urpaqtyń boıynda anaǵa degen súıispenshilik pen qurmet sezimin arttyrý, estetıkalyq tárbıe berý jáne hor óneri arqyly balalardyń shyǵarmashylyq qabiletterin damytý maqsatyn kózdeıdi. Búgin barlyq qalalyq bilim berý uıymdaryndaǵydaı №116 mektep te hor chellendjin tańerteńgi saǵat 10.00-de bastady. Bıyl horǵa barlyq mektepter úshin bir án tańdaldy. «Anaǵa arnaý» ániniń sózin jazǵan R.Naýryzbaeva bolsa, ánin jazǵan Ǵ.Daýylbaeva. Іs-sharaǵa mektebimizdiń 6-7 synyp oqýshylarynan quralǵan 70 bala qatysty. Igiligi mol bastama shákirtterimizdiń analarǵa degen shynaıy qurmeti men rızashylyǵyn bildiretin rýhanı is-sharaǵa aınaldy, - dedi dırektordyń tárbıe isi jónindegi orynbasary Dınara Aıdarova.
Chellendj boıynsha túsirilgen beınerolıkter áleýmettik jelilerde #anaǵa_arnaý_hor2026 heshtegterimen jarııalanatyn bolady.
Aıta keteıik, Halyqaralyq áıelder kúnine oraı, 7 jáne 8 naýryz kúnderi elordada azyq-túlik jármeńkesi ótedi.
Astanada 8 naýryz — Halyqaralyq áıelder kúni qarsańynda mádenı, sporttyq, áleýmettik jáne qaıyrymdylyq baǵytyndaǵy ondaǵan is-shara ótkizý josparlanyp otyr.
