Oqýshylar kóktemgi kanıkýlda neshe kún demalady

ASTANA. KAZINFORM – 2026 jyldyń 19-29 naýryz aralyǵynda qazaqstandyq oqýshylar 11 kún boıy kóktemgi demalysta bolady. Bul týraly Oqý-aǵartý mınıstrliginiń baspasóz qyzmeti habarlady. 

Osy kezeńdegi bos ýaqytty mazmundy ótkizý maqsatynda «Adal azamat» birtutas tárbıe baǵdarlamasy negizinde jeke tulǵany jan-jaqty damytýǵa baǵyttalǵan arnaıy is-sharalar kesheni júzege asyrylady.

Demalystyń ár kúni «Naýryznama» onkúndigimen úılesim taýyp, otbasylyq qundylyqtar men ulttyq dástúrlerdi dáripteýge arnalady. Oqýshylar «Taza Qazaqstan» , «Eńbek adamy» jáne «Zań men tártip» baǵyttaryndaǵy tanymdyq jobalarǵa qatysady, sondaı-aq dástúrli «Jer saǵaty» aktsııasyna atsalysyp, azamattyq ustanymdaryn bekemdeıdi.

Balalardyń qaýipsizdigin qamtamasyz etý baǵytynda da birqatar is- sharalar josparlanyp otyr. Ata-analarmen birlese otyryp jol qozǵalysy, órt qaýipsizdigi jáne kıberkeńistiktegi saqtyq sharalary boıynsha keshendi túsindirý jumystary júrgiziledi.

Aıta ketelik búgin elordada ekinshi aýysym oqýshylary onlaın oqyp jatyr.