Oqýshylar qysqy kanıkýlda qansha kún demalady

ASTANA. KAZINFORM – Jeltoqsannyń sońynda mektep oqýshylary ekinshi toqsandy aıaqtap, qysqy kanıkýlǵa shyǵady.

Qazaqstannyń 2024-2025 oqý jylyna arnalǵan demalys kúntizbesi boıynsha ekinshi toqsanda oqýshylar 8 apta oqıdy, qysqy kanıkýl 10 kúnge sozylady, ıaǵnı 2024 jylǵy 30 jeltoqsannan bastap 2025 jylǵy 8 qańtarǵa deıin jalǵasady. Al 1 synyp oqýshylaryna 2025 jylǵy 10-16 aqpandy qosa alǵanda, 7 kúndik qosymsha kanıkýl beriledi.

Eń uzaq úshinshi toqsanda oqýshylar 10 apta oqıdy, kóktemgi kanıkýl 2025 jyldyń 21-31 naýryzdy qosa alǵanda 11 kúnge sozylady. Al tórtinshi toqsan kúntizbege sáıkes segiz oqý aptasynan turady.

Sondaı-aq kúntizbe boıynsha 9-10 synyp oqýshylaryna arnalǵan qorytyndy emtıhandar 2025 jylǵy 29 mamyr men 9 maýsym aralyǵynda, 11-12 synyp oqýshylaryna arnalǵan emtıhandar 30 mamyr men 12 maýsym aralyǵynda ótedi.

Aıta keteıik, 2025 jylǵy 1-4 qańtar demalys kúnderi bolyp belgilendi. Eńbek jáne halyqty áleýmettik qorǵaý mınıstrliginiń 2025 jyldyń qańtaryndaǵy demalys kúnin aýystyrý týraly buıryǵymen siltemege ótip tanysýǵa bolady.