Halyqaralyq olımpıadada jeńgen oqýshylar 5,5 mln teńgeden syıaqy alady
ASTANA. KAZINFORM - Qazaqstandyq oqýshylar halyqaralyq olımpıadalardaǵy jeńisi úshin 5,5 mıllıon teńgeden syıaqy alady.
Álem boıynsha TOP-7 bedeldi olımpıadalarda júldeli oryn alǵan 26 qazaqstandyq oqýshy qarjylaı syıaqy alady.
Syıaqynyń jalpy somasy 77,5 mıllıon teńgeden asady.
2023-2024 oqý jylynyń qorytyndysy boıynsha elimizdiń ulttyq quramasy eń bedeldi álemdik pándik olımpıadalarda 2 altyn, 12 kúmis, 12 qola medal jáne bir dıplom ıelendi.
Bul olımpıadalar: IMO (matematıkadan), IPhO (fızıkadan), IBO (bıologııadan), IChO (hımııadan), IOL (lıngvıstıkadan), IGeO (geografııadan) jáne IOI (ınformatıkadan).
Talantty oqýshylardy qoldaý maqsatynda Memleket basshysynyń tapsyrmasymen 2022 jyldan bastap halyqaralyq olımpıadalardyń júldeli oryndardy ıelengen oqýshylarǵa jáne olardy daıyndaǵan pedagogterge memleket tarapynan birjolǵy syıaqy taǵaıyndalǵan.
Altyn medal jeńip alǵan oqýshy 1500 aılyq eseptik kórsetkish (AEK) mólsherinde, kúmis medal úshin – 1000 AEK, qola medal úshin – 500 AEK mólsherinde aqshalaı syıaqy alady.
Al altyn medal ıegerin daıyndaǵan pedagogke – bazalyq laýazymdyq aılyqaqy 26,5 eselengen mólsherinde; kúmis medal ıegerin daıyndaǵan pedagogke – bazalyq laýazymdyq aılyqaqy 17,5 eselengen mólsherinde; qola medal ıegerin daıyndaǵan pedagogke – bazalyq laýazymdyq aılyqaqy 8,5 eselengen mólsherinde beriledi.
Sonymen qatar, halyqaralyq olımpıadalardyń jeńimpazdaryna qazaqstandyq JOO-nyń kez kelgenine oqýǵa túsýge bilim granty beriledi.
Esterińizge sala keteıik, ótken jyly 23 oqýshy 65,6 mln teńge, 20 pedagog jalpy somasy 71,4 mln teńge birjolǵy syıaqy alǵan bolatyn.
Jalpy 12 iri halyqaralyq jarysqa qatysqan 1218 qazaqstandyq oqýshynyń 603-i medal ıegeri atandy.
ıAǵnı, álemdik dodalarda elimizdiń namysyn qorǵaǵan árbir ekinshi qatysýshy júldeli orynǵa ıe boldy.
