Oqýshylar Býrabaı ulttyq parkinde qustarǵa jem salatyn astaýlar ornatty
BÝRABAI. KAZINFORM — Býrabaı memlekettik ulttyq tabıǵı parkinde mektep oqýshylary men orman ınspektorlary birlesip, qustardy qorektendirý úshin jem salatyn astaý ornatý aktsııasyn ótkizip jatyr.
«Býrabaı» MUTP baspasóz qyzmetiniń málimetinshe, qustarǵa qamqorlyq jasaýǵa baǵyttalǵan ıgi sharaǵa eki aı ishinde Býrabaı, Bulandy jáne Birjan sal aýdandaryndaǵy 23 mektepten barlyǵy 150-den astam oqýshy qatysqan.
«Mektep oqýshylary oqýshylary men orman ınspektorlary birlesip „Býrabaı“ MUTP aýmaǵynda qustarǵa jem salatyn 62 astaý ornatty. Sonymen birge, osyndaı astaýlardy saıabaq aýmaǵynan bólek, jaıaýlar joly men týrıstik baǵyttardan da kezdestirýge bolady. Ormanshylar bul astaýlardy kútip, tazalap otyrady jáne qanatty dostarǵa jem salady», — deıdi «Býrabaı» MUTP baspasóz qyzmetinen.
Ekologııalyq aǵartý jónindegi maman Janar Aıtmaǵanbetovanyń aıtýynsha, tabıǵatty saqtaýǵa jáne ekologııalyq mádenıetti qalyptastyrýǵa baǵyttalǵan aktsııaǵa qatysýshylar sany jyldan jylǵa artyp keledi.
Munda oqýshylar tabıǵatpen baılanysyp, qustardyń alýan túri men olardy qorǵaýdyń mańyzyn túsinedi.
«Bastapqyda torǵaılar bizden úrkidi, keıin úırenip ketti. Munda qustardyń birneshe túri bar, olardyń túri de, túsi de bir-birine uqsamaıdy. Qysta olarǵa jem-azyq tabý qıyn. Sol sebepti biz olarǵa únemi qamqorlyq jasaýymyz kerek», — deıdi Sáken Seıfýllın atyndaǵy mekteptiń oqýshysy Aldııar Ermekbaev.
Eske salaıyq, bıylǵy qysqa «Býrabaı» ulttyq parkinde 470 tonna shóp jáne 135 myń býma japyraq daıyndalǵan.
