Oqýshylar astan ýlandy: Ata-analar kásipkerdiń jazasyn qatańdatýdy suraıdy

AQTAÝ. KAZINFORM – Mańǵystaýdyń Munaıly aýdany Besshoqy aýylynda mektepte tamaqtan ýlanǵan oqýshylardyń ata-analarynyń sot úkimine kóńili tolmaıdy. Olardyń aıtýynsha, kásipkerdiń jazasy tym jeńil. Oǵan qosa, keıbir jábirlenýshilerge ótemaqy tólenbegen.

Aıta keteıik, bıyl sáýir aıynda Munaıly aýdandyq soty mektep ashanasynda as daıyndaýǵa jaýapty kásipker Dámetken Shakenovaǵa 1 jyl bas bostandyǵynan aıyrý týraly jaza kesti. Sonymen qatar, ol 22 ata-anaǵa 50 myńnan 200 myń teńgege deıingi kólemde materıaldyq shyǵyndy óteýge mindetteldi.

Biraq, basqa ata-analar bul sheshimmen kelispeı otyr. Óıtkeni, osy oqıǵada 460 bala zardap shekti. Ýlanǵan oqýshylardyń em-domyna ketken shyǵyn barlyǵyna birdeı ótelýi kerek. Al, kásipker lıtsenzııasynan aıyrylýy qajet, - deıdi olar.

- Qyzym ýlanǵannan keıin áli kúnge deıin aýyrady. Iiske sezimtal bolyp ketti. Shyqqan úkimge kóńilimiz tolmaı tur. Jazasy tym jeńil, 1 jyl - az. Barlyq balanyń ata-anasyna ótemaqy teńdeı tólenýi kerek, - deıdi ata-ana Baqyt Osmanova.

Eske salaıyq, Munaıly aýdany Besshoqy aýylynda oqýshylardyń jappaı astan ýlanýy byltyr qyrkúıek aıynda tirkeldi. 460 bala aýyryp, aýrýhanaǵa tústi. Tekserýler nátıjesinde, ashanada sanıtarlyq talaptardyń óreskel buzylǵany anyqtaldy.

Mańǵystaýda tamaqtan ýlanǵan 2 oqýshy jansaqtaý bóliminde jatyr.

Densaýlyq saqtaý vıtse-mınıstri Aqtaýdaǵy tamaqtan ýlanǵan oqýshylardyń jaǵdaıymen tanysty.