Oqýshylar arasynda bilim monıtorıngi ótkiziledi
ASTANA. KAZINFORM — 30 sáýirden bastap elimizdegi eki myńǵa jýyq mekteptiń 100 myńnan astam 4-shi jáne 9-shy synyp oqýshylary arasynda bilim monıtorıngi ótkiziledi.
Bul monıtorıng - oqýshylardyń bilim sapasyn baǵalaýǵa baǵyttalǵan otandyq zertteý quraly. Ol oqý baǵdarlamalarynyń tıimdiligin taldaýǵa, oqý-tárbıe protsesindegi jetildirýdi qajet etetin tustardy anyqtaýǵa múmkindik beredi. Monıtorıngtiń túpki nátıjesi - bilim sapasyn arttyrý úshin ár óńirge keshendi taldaý jasaı otyryp, ádistemelik usynystar ázirleý.
Monıtorıng fýnktsıonaldyq saýattylyqtyń oqý, matematıkalyq jáne jaratylystaný baǵyttaryn qamtıdy. Sonymen qatar bilim alýshylardyń bilim jetistikteriniń monıtorıngi aıasynda bilim berýge áser etetin ártúrli kontekstik faktorlardy anyqtaý úshin saýalnama júrgiziledi. Ony oqýshylar, pedagogter, mektep basshylary jáne 4-synyp oqýshylarynyń ata-analary toltyrady.
Zertteý rásimi standarttalǵan jáne halyqaralyq tásilderge sáıkes uıymdastyrylǵan. Esterińizge sala keteıik, 2025 jyldyń basynda bilim alýshylardyń bilim jetistikteriniń monıtorıngi halyqaralyq RCEC sapa belgisin aldy.
Aıta ketelik 220 oqýshy Qanıpa Bitibaeva atyndaǵy olımpıadaǵa qatysyp jatqany týraly jazǵan edik.
