Oqýshylar arasynda alǵash ret qarjylyq saýattylyq pen tsıfrlyq qaýipsizdik olımpıadasy ótedi

ASTANA. KAZINFORM – Oqý-aǵartý mınıstrliginiń «Daryn» respýblıkalyq ǵylymı-praktıkalyq ortalyǵy alǵash ret 9-11 (12) synyp oqýshylaryna arnalǵan qarjylyq saýattylyq pen tsıfrlyq qaýipsizdik boıynsha respýblıkalyq olımpıada ótkizý bastamasyn kóterdi.

Bul joba oqýshylardyń qarjy salasyndaǵy bilimin arttyrýǵa, qarjylyq jaýaptylyq pen tsıfrlyq qaýipsizdik mádenıetin qalyptastyrýǵa baǵyttalǵan.

Oqý-aǵartý mınıstrligi málimetinshe, olımpıadanyń birinshi (mektepishilik) kezeńi 17 qazan kúni barlyq óńirde oflaın formatta ótedi. Qatysýshylar 30 suraqtan turatyn test tapsyrmasyn 60 mınýt ishinde oryndaıdy. Úzdik nátıje kórsetken 30 oqýshy kelesi kezeńge joldama alady.

Barlyǵy tórt kezeńnen turatyn olımpıadanyń fınaly 2026 jyldyń mamyr aıynda Astana qalasynda ótedi. Qorytyndy kezeńde ár óńir men respýblıkalyq bilim berý uıymdarynan úzdik 150-den astam oqýshy baq synaıdy.

Aıta keteıik, 1 – 11-synyp oqýshylaryna kásibı baǵdar berý jónindegi biryńǵaı nusqaýlyq ázirlenip jatyr.

Óńirlerden iriktelgen daryndy oqýshylar halyqaralyq bilim granttaryn ıelendi.