Oqýshy uıaly telefondy sabaqta paıdalana ala ma – Oqý-aǵartý mınıstrligi túpkilikti sheshim qabyldady
ASTANA. KAZINFORM – Oqý aǵartý mınıstrligi orta bilim berý uıymdarynda bilim alýshylar men tárbıelenýshilerdiń uıaly baılanystyń abonenttik qurylǵysyn paıdalaný qaǵıdalaryn bekitti. Mınıstr 24 qyrkúıekte qol qoıǵan buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Sonymen oqý protsesi kezinde uıaly baılanystyń abonenttik qurylǵysyn paıdalaný tártibi mynadaı:
- oqý sabaǵy bastalǵanǵa deıin bilim alýshy nemese tárbıelenýshi uıaly baılanystyń abonenttik qurylǵysyn dirildi jáne dybystyq sıgnaldardy óshirý arqyly dybyssyz rejımge aýystyrady nemese ony óshiredi;
- oqý sabaǵy kezinde bilim alýshy nemese tárbıelenýshi uıaly baılanystyń abonenttik qurylǵysyn paıdalanbaıdy.
Bilim alýshyǵa nemese tárbıelenýshige oqý protsesi kezinde uıaly baılanystyń abonenttik qurylǵysyn paıdalanýǵa mynadaı jaǵdaılarda jol beriledi:
- oqý tapsyrmasyn oryndaý úshin paıdalaný qajet bolǵan kezde pedagogtiń nusqaýy boıynsha oqý maqsatynda;
- bilim alýshynyń, tárbıelenýshiniń ne ózge de adamdardyń ómirine jáne (nemese) densaýlyǵyna qater tóndiretin mán-jaılar týyndaǵan kezde;
- bilim alýshynyń nemese tárbıelenýshiniń densaýlyq jaǵdaıyna baılanysty uıaly baılanystyń abonenttik qurylǵysyn paıdalaný qajet bolǵan kezde.
Materıaldyq-tehnıkalyq jáne uıymdastyrýshylyq múmkindigi bolǵan kezde orta bilim berý uıymy uıaly baılanystyń abonenttik qurylǵylaryn ornalastyrý úshin arnaıy jabdyqtalǵan oryndardy aıqyndaýǵa quqyly. Arnaıy jabdyqtalǵan oryndar bolǵan kezde olardy paıdalaný tártibi jáne olarǵa ornalastyrylǵan qurylǵylardyń saqtalýyn qamtamasyz etý jónindegi sharalary bilim berý uıymynyń ishki tártip qaǵıdalarymen aıqyndalady.
Uıaly baılanystyń abonenttik qurylǵysyn oqý maqsatynda paıdalaný kezinde pedagog:
1) oryndaý úshin uıaly baılanystyń abonenttik qurylǵysyn paıdalanýdy qajet etetin oqý tapsyrmasyn aıqyndaıdy;
2) uıaly baılanystyń abonenttik qurylǵysyn paıdalanýdy bastaǵanǵa deıin bilim alýshylar men tárbıelenýshilerge oqý tapsyrmasynyń mazmunyn, uıaly baılanystyń abonenttik qurylǵysyn paıdalaný tártibi men uzaqtyǵyn túsindiredi;
3) oqý tapsyrmasyn óz betinshe oryndaýǵa qoıylatyn talaptardy jáne ony oryndaý kezinde uıaly baılanystyń abonenttik qurylǵysyn paıdalanýdyń ruqsat etilgen tásilderin túsindiredi;
4) uıaly baılanystyń abonenttik qurylǵysyn paıdalanýdy bastaý jáne toqtatý týraly nusqaý beredi.
Uıaly baılanystyń abonenttik qurylǵysyn oqý maqsatynda paıdalaný kezinde bilim alýshy nemese tárbıelenýshi:
1) uıaly baılanystyń abonenttik qurylǵysyn pedagog aıqyndaǵan oqý tapsyrmasyn oryndaý úshin ǵana paıdalanady;
2) osy Qaǵıdalardyń 5-tarmaǵyna sáıkes pedagog belgilegen uıaly baılanystyń abonenttik qurylǵysyn paıdalaný tártibi men uzaqtyǵyn saqtaıdy;
3) oqý tapsyrmasyn pedagog belgilegen uıaly baılanystyń abonenttik qurylǵysyn paıdalaný sharttaryn saqtaı otyryp, óz betinshe oryndaıdy;
4) pedagogtiń nusqaýy boıynsha uıaly baılanystyń abonenttik qurylǵysyn paıdalanýdy toqtatady.
Oqý tapsyrmasyn oryndaý kezinde uıaly baılanystyń abonenttik qurylǵysynyń foto-, aýdıo- jáne beınejazba fýnktsııalaryn pedagogtiń nusqaýy boıynsha Qazaqstan Respýblıkasynyń derbes derekter jáne olardy qorǵaý týraly zańnamasyn, sondaı-aq jeke ómirdi jáne adamnyń óz beınesine quqyǵyn qorǵaý jónindegi zańnama talaptaryn saqtaı otyryp paıdalanýǵa jol beriledi.
