Oqýshy qyzǵa seksýaldyq zorlyq kórsetken aqtóbelik sottaldy
AQTÓBE. KAZINFORM – Sot sottalýshyny 15 jylǵa bas bostandyǵynan aıyrý jazasyn taǵaıyndady. Alaıda sottalýshy ózine taǵylǵan aıypty moıyndamady.
Aqtóbe oblystyq qylmystyq ister jónindegi mamandandyrylǵan aýdanaralyq sotynda 22 jastaǵy aqtóbelikke qatysty is qaraldy. Oǵan Qylmystyq kodekstiń 120-babynyń 3-1-bóligi 1-tarmaǵymen aıyp taǵyldy. Sottalýshy kámeletke tolmaǵan jábirlenýshiniń qarsylyǵyna qaramastan oǵan kúsh qoldanyp, erkinen tys zorlaǵan. Sot otyrysynda sottalýshy kinásin moıyndamady.
— Sottalýshynyń kinási jábirlenýshiniń, kýálardyń jaýaptarymen, saraptama qorytyndylarymen jáne is materıaldaryna tirkelgen basqa da zattaı dáleldermen rastaldy. Sot úkimimen sottalýshy Qylmystyq kodekstiń 120-babynyń 3-1-bóliginiń 1-tarmaǵymen kináli dep tanylyp, 15 jyl merzimge bas bostandyǵynan aıyrý jazasy taǵaıyndaldy. Pedagogıkalyq jáne kámeletke tolmaǵandarmen jumys isteý quqyǵynan ómir boıyna aıyryldy. Sot úkimi zańdy kúshine engen joq, — dep habarlady Aqtóbe oblysynyń qylmystyq ister jónindegi mamandandyrylǵan aýdanaralyq sotynyń baspasóz qyzmeti.
Eske salsaq, buǵan deıin Aqtóbede seksýaldyq zorlyq kórgenin aıtqan mektep oqýshysynyń otbasy býllıngke ushyraǵanyn aıtyp, kómek surady. Oqıǵa Qarǵaly aýdanyndaǵy aýyldardyń birinde bolǵan.
