Oqýshy qyzdardyń ólimi: Almatynyń bilim basqarmasy málimdeme jasady

ALMATY. KAZINFORM - Almatyda eki jasóspirim qyz kópqabatty úıden qulap, oqıǵa ornynda qaıtys boldy.

Almaly aýdanynda ornalasqan mektep oqýshylarynyń ólimine baılanysty qalalyq Bilim basqarmasy málimdeme jasady.

— Bilim basqarmasy tıisti memlekettik organdardyń qyzmetkerlerin tarta otyryp, istiń barlyq mán-jaılaryn zerdeleý jóninde komıssııa qurdy, - dep habarlady basqarmadan.

Sondaı-aq Bilim basqarmasynyń baspasóz qyzmeti osy fakti boıynsha Almaly aýdanynyń polıtsııa basqarmasy qylmystyq is qozǵaǵanyn jáne tergeý múddesi úshin basqa aqparat taratylmaıtynyn málimdedi.

Eske salaıyq, buǵan deıin Almatyda bir aıda 6 bala terezeden qulap ketkenin jazǵan edik.