Oqýshy qyzdar qatarlasynan aqsha bopsalaǵan: mektep dırektory qyzmetinen ketti
QONAEV. KAZINFORM – Almaty oblysy Qarasaı aýdany Kemertoǵan aýylyndaǵy oqýshylardyń qatarlasyna kúsh kórsetip, aqsha bopsalaǵan shýdan keıin mektep dırektory qyzmetinen ketti.
Qurdasyna psıhologııalyq qysym kórsetip, odan aqsha talap etken qyzdardyń oqıǵasynan keıin Kemertoǵan orta mektebiniń dırektory Darhan Nakysbekov ornyn bosatty.
Bul aqparatty óńir ákimdigi rastady.
«Mektep dırektory óz ótinishi negizinde jumystan bosatyldy», - dep atap ótti Almaty oblysy ákimdiginiń baspasóz qyzmetinen.
Osyǵan deıin Qarasaı aýdanynyń polıtsııa qyzmetkerleri 15 jasar oqýshydan aqsha bopsalaýǵa qatysy bar kámeletke tolmaǵan qyzdardyń ata-analaryn anyqtap, olardy jaýapqa tartqany týraly jazǵan edik.
Qazir ıývenaldy polıtsııa qyzmetkerleri tergeýdiń tolyqtyǵy men obektıvtiligin qamtamasyz etýge, sondaı-aq bolashaqta mundaı jaǵdaılardyń aldyn alýǵa baǵyttalǵan profılaktıkalyq is-sharalardy qolǵa aldy.
