Oqýshy satydan qulady: Astanada mektep dırektorynyń ústinen is qozǵaldy
Oqýshy baspaldaqtan qulaǵan mektep dırektoryna qylmystyq is qozǵaldy, dep habarlaıdy QazAqparat tilshisi.
«Anasymen habarlasyp otyrmyn. Qazirgi ýaqytta balanyń jaǵdaıy, ortasha aýyrlyq deńgeıinde, jaqsaryp keledi. Aqyl-esin biledi. Suraqqa jaýap beredi, nusqaýlardy oryndaıdy. Kognetıvti fýnktsııasy saqtalǵan. Qarashyǵy birdeı, fotoreaktsııa saqtalǵan. Komaǵa túsken joq. Mektep basshylyǵyna qatysty qylmystyq is qozǵaldy. Mekteptiń oqý jylyna daıyndyq sapasy boıynsha tekserý júrip jatyr», – dep jazdy Bala quqyqtary jónindegi ýákil Dınara Zakıeva Instagram-paraqshasynda.
Eske salaıyq, Astana qalasyndaǵy №14 mektep-gımnazııanyń oqýshysy ekinshi qabatqa kóterilip bara jatyp, baspaldaqtan qulap ketken bolatyn.
Búgin qalalyq Qoǵamdyq densaýlyq saqtaý basqarmasy balanyń jaǵdaıyn aıtyp, mektepke jedel járdem brıgadasy nelikten jarty saǵatqa jýyq júrip barǵanyn túsindirdi.
