Oqýlyqtarymyzda kemshilik kóp ekendigin moıyndaýymyz kerek - Ashat Aımaǵambetov
NUR-SULTAN. QazAqparat - Qazaqstandy oqýlyqtar ázirleýdiń jańa júıesi tolyqqandy engiziledi. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
«Oqýlyq daıyndaýdyń jańa júıesi tolyqqandy engiziletin bolady. Bul problema baıaǵydan beri kóterilip keledi. Shyndyǵynda da, bizdiń oqýlyqtarymyzda óte kóp kemshilik bar ekendigi týraly faktini moıyndaýymyz kerek. Tolyqtaı alǵanda oqýlyq daıyndaý júıesiniń ózi jetilmegen. Bul tek baspanyń, avtordyń nemese ózge de qandaı da bir toptyń kinási dep aıtýǵa bolmaıdy. Bul jerde sóz barlyq protsesti qaıta baǵdarlaý jáne jańǵyrtý jaıynda bolyp otyr», - dedi mınıstr pedagogtar men bilim jáne ǵylym salasy qyzmetkerleriniń respýblıkalyq tamyz keńesi barysynda.
Mınıstr bul baǵyttaǵy jumystardyń qazirgi ýaqytta júrgizilip jatqandyǵyn aıtty.
«Oqýlyqpen jumys jalpy mindetti standarttardyń ózinen, úlgilik josparlar men baǵdarlamalardan bastalyp, odan ary saraptama, beıimdeý máseleleri, avtorlardy daıyndaý, avtorlardy oqytý, baspamen jumysty qamtıdy. ıAǵnı, osynaý bıznes protsesterdiń barlyǵy qazirgi ýaqytta jańa formatta júzege asyrylatyn bolady. Biz avtorlar men sarapshylardy oqytamyz. Oqýlyqtardyń sapasy, aprobatsııadan ótkizý jáne oqýlyqtardy qoldanýǵa monıtorıng jasaý boıynsha talaptardy zańmen bekitemiz», - dedi Ashat Aımaǵambetov.
