Oqýlyqtardy saraptaý jumysyn tek táýelsiz mamandar atqarady - BǴM

NUR-SULTAN. QazAqparat - Bul týraly QR Bilim jáne ǵylym mınıstri Ashat Aımaǵambetov halyqqa esep berý kezdesýinde málimdedi, dep habarlaıdy QazAqparat.

«Qazirgi tańda oqýlyq sapasyna kóp kóńil bólinedi. Bul - ózekti másele», – dep atap ótti Ashat Aımaǵambetov eseptik kezdesý barysynda.

Bul máseleni QR Prezıdenti Qasym-Jomart Toqaev ta jıi qozǵaıdy.

«Bıyldan bastap oqýlyqtardyń sapasyna qoıylatyn talaptardy kúsheıtý týraly QR BǴM buıryǵy shyqty. Oqýlyqtardy saraptaý jumystarymen tek táýelsiz mamandar aınalysady. Oqýlyq avtorlary men baspalardyń oqýlyqtardy ázirleýdegi jaýapkershiligi artty. Endi satyp alynǵan oqýlyqtarda qateler anyqtalǵan jaǵdaıda baspalar barlyq shyǵyndy ózderi óteıdi. Avtorlar men sarapshylardy oqytý jumysy qolǵa alynady. Sondaı-aq jergilikti atqarýshy organdarǵa oqýlyqtarmen qamtamasyz etý talaptaryn kúsheıtemiz, 100% qamtamasyz etý biz úshin qalypty jaǵdaıǵa aınalýy tıis», – dedi QR Bilim jáne ǵylym mınıstri.

Sonymen birge, mınıstr mektep oqýshylarynyń 96% jańartylǵan bilim mazmunyna kóshkenin, al 11-synyptar jańa baǵdarlamaǵa bıyl aýysatynyn aıtty. Osylaısha, orta bilim berý júıesiniń jańartylǵan bilim mazmunyna tolyq kóshiriledi.