Oqýlyqtar sapasyna qoıylatyn talaptar kúsheıtildi - B. Jumaǵulov
ASTANA. 29 naýryz. QazAqparat /Rýslan Ǵabbasov/ - 12 jyldyq bilim berýge baılanysty oqytý mazmunynyń jańa standarty jasalýda. Bul týraly búgin Úkimet otyrysynda Bilim jáne ǵylym mınıstri Baqytjan Jumaǵulov málim etti.
«12 jyldyq orta oqýǵa kóshý kestesi muqııat tekserildi. Bilim berý men oqytý mazmunynyń jańa standarty jasalýda. Oqýlyqtar sapasyna qoıylatyn talaptar kúsheıtildi. Endi olar kóp kezeńnen turatyn saraptaýlar men synaqtan ótkiziledi. Bul kezeńderdiń biraz bóligi qazirgi kezde iske asyrylyp ta jatyr»,-dedi vedovstvo basshysy.
Munymen qosa mınıstr aldaǵy ýaqytta barlyǵy 522 mektep salynatynyn aıtyp ótti. Onyń 427-si jalpy bilim beretin mektep, 46 beıimdik mektebi. Al 49-y 3 aýsymdy mektepterdiń ornyna salynady. «Bul mektepterdiń qurylysy úshin respýblıkalyq bıýdjetten alǵashqy 3 jylda 167,4 mlrd. teńge qarastyrylǵan. Qazirgi kezde biz qaı jerde qandaı mektepter salynatyndyǵyn naqty anyqtadyq»,-dedi B. Jumaǵulov.
Onyń sózine qaraǵanda, jańa mektepter salynǵan soń oqý ornyna degen suranys, 3 aýysymdy jáne apattyq jaǵdaıdaǵy mektepter problemasy tolyq sheshiledi. Tek bıyldyń ózinde 82 mektep salynady.
