Oqýlyqtar mobıldik gadjette qoljetimdi bolýy tıis – Úkimet basshysy

ASTANA. QazAqparat – Oqýlyqtar kez kelgen kompıýterde nemese mobıldik gadjette qoljetimdi bolýy tıis. Bul týraly Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Mektepterde oqý protsesin tsıfrlandyrý boıynsha da aýqymdy jumys júrgizilýde. Oqýshylardy elektrondyq oqýlyqtarmen qamtamasyz etý qajet. Onda anımatsııalyq, mýltımedıalyq komponentter men tapsyrmalar kórinis tabýy kerek. Bul oqýlyqtar kez kelgen kompıýterde nemese mobıldik gadjette qoljetimdi bolýy tıis. Oqý protsesi ınteraktıvti, zamanaýı bilim berý tehnologııalaryn qoldana otyryp qurylýy kerek», - dedi Álıhan Smaıylov Úkimet otyrysynda.

Premer-Mınıstr qala men aýyl oqýshylarynyń arasyndaǵy bilim sapasynyń alshaqtyǵyn qysqartý maqsatynda eń aldymen, aýyldyq mektepterdi ınteraktıvti jáne kompıýterlik jabdyqtarmen qamtamasyz etý qajettigin basa aıtty.

«Bul tipti shalǵaıdaǵy shaǵyn mektepterde de oqytýdyń ınnovatsııalyq ádisterin engizýge múmkindik beredi», - dedi Úkimet basshysy.