Oqýlyqtar men baǵdarlamalar arasyndaǵy sáıkessizdik tolyq joıylady - A.Sárinjipov
ASTANA. QazAqparat - Oqýlyqtar men baǵdarlamalar arasyndaǵy sáıkessizdik bıylǵy jyly tolyq joıylady. Búgin Májiliste «Oqýlyqtardyń sapasy jáne jalpy orta, tehnıkalyq jáne kásiptik bilim berý uıymdaryn oqýlyqtarmen qamtamasyz etý» atty taqyryptaǵy Úkimet saǵatynda Bilim jáne ǵylym mınıstri Aslan Sárinjipov osylaı málimdedi.
Málimetterge qaraǵanda, Qazaqstandaǵy balalar sany 4,6 mln. quraıdy, onyń ishinde mektepke deıingi jastaǵy balalar sany 2 mln. 7,5 myń, mektepte 2,6 mln. oqýshy bilim alýda. «Búgingi kúni mektep oqýlyqtaryn shyǵarýda 2012 jyly qabyldanǵan standarttar qoldanylyp keledi. Onyń negizinde 2013 jylǵa sáıkes oqý baǵdarlamalary ázirlengen bolatyn. Osyǵan oraı, 2015 jyly 4-5-6 jáne 11-synyptarǵa arnalǵan oqýlyqtar satyp alynýda. Sonymen qatar aǵymdaǵy jyly 1-7-8 synyptarǵa arnalǵan oqýlyqtar saraptamadan ótkizilip jatyr. Bular oqý protsesine 2016 jyldyń qyrkúıeginde engiziledi. Osylaısha, bir jyldyń ishinde oqýlyqtar men oqý baǵdarlamalary teńestiriledi. Sóıtip, baǵdarlamalar men oqýlyqtar sáıkessizdigi máselesi kún tártibinen alynyp tastalmaq», - dedi A.Sárinjipov.
