Oqýlyq irikteý qalaı iske asady
NUR-SULTAN. QazAqparat –Oqýlyqtardy irikteýdiń jańa júıesi engiziletin boldy, dep habarlaıdy QazAqparat tilshisi.
QR Bilim jáne ǵylym mınıstri Ashat Aımaǵambetov arnaıy keńeste oqýlyq sapasy saraptaýdyń álsizdiginen zardap shegetinin aıtty.
«Oqýlyq sapasyn saraptaýǵa qatysty syn kóp. Iá, oǵan úzdik muǵalimderdi tartamyz. Biraq jaqsy muǵalimniń bári myqty sarapshy emes. Kez kelgen muǵalim oqýlyqqa saraptama jasaı almaıdy. Al biz buryn saraptama jasap kórmegen ustazdardy jınap alamyz da, qoldaryna oqýlyq ustatamyz. Júıeniń ózi durys bolmaǵan soń, nátıjesi de belgili. Oqýlyq sapasyn naǵyz mamandar saraptaýy tıis», - dedi mınıstr.
Keleshekte oqýlyqqa saraptama jasaıtyn muǵalimder sertıfıkattaýdan ótip, sarapshylar pýlyna toptasatyn bolady. Ashat Aımaǵambetov osylaı ǵana oqýlyq sapasyn arttyrýǵa bolady degen pikirde.
«Saladaǵy jaǵdaıǵa kóńil tolmaıdy. Oqýlyq daıyndaý, onyń sapasyn saraptaý, irikteý júıesine ózgeris engizetin bolamyz. Sondyqtan, endigi oqýlyq basý kezeńinde men barlyq baspalarǵa osy aıtylǵan máselelerdi eskerýdi tapsyramyn. Mundaı bassyzdyqtarǵa jol berip qoıa almaımyz. Naqty sheshimder qabyldap, júıeli jumys júrgizetin kez jetti», - dedi mınıstr.
