Oqýlyqtardan 700-den astam qate tabyldy - Toqaev
ASTANA. KAZINFORM – Mektep oqýlyqtaryn tekserý barysynda 700-den astam óreskel qate anyqtaldy. Memleket basshysy Qasym-Jomart Toqaev bul olqylyqtar orta bilim sapasyna nuqsan keltiretinin aıtyp, oqý materıaldaryn qaıta qaraýdy tapsyrdy.
– Jaqynda Úkimet jurtshylyqqa nátıjeli jumystyń qorytyndysyn jarııalady. Mektep oqýlyqtarynan 700-den astam óreskel qate tabylǵan. Munyń bári orta bilimniń sapasyna nuqsan keltiredi desek, artyq aıtqandyq emes, – dedi Q. Toqaev elordada respýblıkalyq Tamyz konferentsııasynda.
Prezıdent tekserilmegen tarıhı derekter men oqıǵalar sıpattalatyn, balalarǵa jalǵan «qaharmandar» men olardyń «erligi» jóninde áńgimeleıtin ańyzdar engen oqý materıaldaryn qaıta qaraý qajettigin aıtty.
– Jalǵan, oıdan qurastyrylǵan málimetter taratý arqyly balalardy otanshyldyqqa tárbıeleý jaqsylyqqa aparmaıdy. Bul halqymyzdyń ar-ujdanyna qaıshy, – dedi Memleket basshysy.
Buǵan deıin Qasym-Jomart Toqaev Prezıdent «Órleý» ortalyǵyn synǵa alyp, pedagogterdi attestatsııalaý talaptaryn jeńildetýdi tapsyrǵan edi.
Prezıdent muǵalimderdi qaǵazbastylyqtan, attestatsııadan jáne paıdasyz tekseristerden bosatýdy tapsyrdy.
