Oqýlyq avtorlary Scopus jýrnaldaryna maqala jazýdan bosatyla ma - mınıstrdiń jaýaby

ASTANA. KAZINFORM – Ǵylym jáne joǵary bilim mınıstri Saıasat Nurbek Májilistegi baspasóz máslıhatynda Scopus jýrnaldaryna maqala jazýda qıyndyqqa tap kelip júrgen ǵalymdardyń problemasy qalaı sheshiletinin aıtty.

- Qazirgi tańda ǵylymı dáreje qorǵaý úshin, granttyq jobaǵa qatysý úshin mindetti túrde ǵalymdar Scopus jýrnaldaryna eńbekterin shyǵarý kerek. Soǵan baılanysty bizdiń gýmanıtarlyq sala ǵalymdary kóp ótinish bildirip júr. Aıtýlarynsha, ásirese, tarıh, qazaq fılologııasy sııaqty salalardyń taqyryptary Scopus pýlyna kiretin jýrnaldarǵa qyzyqty emes. Eki jyl buryn osyndaı ǵalymdarǵa jeńildik jasadyq. Mysaly, qazaq tili jáne ádebıet, lıngvıstıka, otandyq tarıh salasynda qazaqstandyq jýrnaldarǵa maqala jarııalaý, monografııa jarııalaý Scopus-qa maqala shyǵarýmen birdeı bolady degen jeńildik jasadyq. Kóp adamdar sony túsinbeı qala ma dep qorqyp otyrmyz. ıAǵnı, endi osy baǵyttar boıynsha Scopus mindetti emes, - dedi ol.

Sondaı-aq, paıdaly oqýlyq jazǵan ǵalymdardy Scopus-qa maqala shyǵarý mindetinen bosatý týraly usynysqa pikir bildirdi.

- Ulttyq quryltaıda taǵy bir usynys aıtyldy. Ǵalym myqty oqýlyq jazsa jáne ony ádistemelik birlestik ǵylymı aınalymǵa engizse, ondaı eńbek Scopus maqalanyń ornyna eseptelsin dep otyr. Ony qarastyrýymyz kerek, qarastyrýǵa daıynbyz, - dedi Saıasat Nurbek.

Aıta keteıik, búgin Májilis endaýment qor týraly zań jobasyn maquldady.