Oqý jylynyń bastalýyna qaraı qosymsha temirjol jáne áýe reısterin ashý usynyldy

NUR-SULTAN. QazAqparat – QR Ǵylym jáne joǵary bilim mınıstri Saıasat Nurbek oqý jyly bastalar kezde qosymsha temirjol jáne áýe reısterin iske qosýdy usyndy, dep habarlaıdy QazAqparat tilshisi.

«Jataqhanalardaǵy oryndardyń jetispeýshiligi jalǵa beriletin turǵyn úıdiń qymbattaýy da áser etýi múmkin.

Sondaı-aq, temirjol kóligi men avıa bıletterdiń qymbattaýyn jáne epıdemıologııalyq jaǵdaıdyń nasharlaǵanyn atap ótkim keledi. Bul – keshendi másele. Sondyqtan, birneshe usynysymyz bar», - degen mınıstr oqý jyly bastalar kezde bılet tapshylyǵyn rettep, baǵasyn qymbattatpaýǵa kúsh salý qajettigine nazar aýdardy.

«Indýstrııa jáne ınfraqurylymdyq damý mınıstrligi «Qazaqstan temir joly» AQ-men birlesip, temir jol jáne avıakóligimen tasymaldaý úshin, ásirese tamyz aıynyń sońy men qyrkúıek aıynda qosymsha reısterdi ashý jáne bıletterdiń baǵasyn retteý jónindegi máseleni pysyqtaý týraly usynys engizemiz», - dedi vedomstvo basshysy.