Oqý úderisindegi óte qatań jáne júıeli baqylaý joǵary oqý oryndaryndaǵy jemqorlyq áreketterdi joıady - QazUÝ prorektory M. Orynhanov

Búgin ál-Farabı atyndaǵy QazUÝ-de joǵary oqý oryndaryndaǵy sybaılas jemqorlyqpen kúres joldaryn talqylaýǵa arnalǵan Almaty qalasynyń joǵary oqý oryndary rektorlarynyń keńesinde ál-Farabı atyndaǵy QazUÝ-niń oqý isi jónindegi prorektory Murat Orynhanov osyndaı pikir bildirdi.

Onyń aıtýynsha, jemqorlyqpen kúreste tek ákimshilik sharalarmen eshqandaı nátıjege qol jetkizý múmkin emes. "Jemqorlyq tetikteri jaılamaý úshin jaǵdaı jasaý kerek, bul jaǵdaıdaǵy eń bastysy - stýdentterdiń oqýǵa degen qabiletterin kóterý. Eger stýdent shynymen bilim alý úshin kelse, ol barlyq tásilmen bilim alyp shyǵady jáne eshqandaı para bermeıdi. Ol oqytýshyny jáne pándi ózi tańdaı alady, sol kezde jemqorlyq qarym-qatynas jaıynda eshqandaı sóz de bolmaıdy", dedi ol.

QazUÝ ókili sonymen qatar oqý ornynyń barlyq áleýetin kórsetetin jańa oqý baǵdarlamalary jasalǵandyǵy týraly, sondaı-aq ýnıversıtettegi jańa «Ýnıver» ınternet-júıesi jaıynda aıtyp berdi. "Bul júıe qandaı ýaqytta bolmasyn muǵalimderge de, bilim alýshylarǵa da, sonymen qatar ata-analarǵa da stýdentterdiń sabaqqa kelýi men oqý deńgeıin bilýge, baqylaýǵa múmkindik beredi. ıAǵnı, mundaı júıe de jemqorlyqtyń aldyn alady. Oqý júıesi qanshalyqty ashyq bolsa, sonda eshqandaı jemqorlyq ta bolmaıdy. Bizde búginde syrttaı oqıtyn stýdentter tolyǵymen qashyqtyqtan oqytý júıesine kóshti", dedi ol.

Jıyn barysynda ál-Farabı atyndaǵy QazUÝ jáne D.Serikbaev atyndaǵy ShMTÝ-da jemqorlyqqa qarsy kúres júrgizý barysynda jınaqtalǵan tájirıbeler ortaǵa salyndy. Búgin sonyń jáne keńes barysyndaǵy usynystar negizinde naqty sheshimder qabyldanatyn bolady. Sonymen qatar Qazaqstan bilim berý isindegi sybaılas jemqorlyqtyń aldyn alý, oǵan qarsy kúres máseleleri qarastyrylyp, JOO-lar arasyndaǵy sybaılas jemqorlyqpen kúres jóninde tájirıbe almasý máseleleri talqylandy.