Oqý saǵattaryn bólip bergeni úshin aqsha alǵan – Ekibastuzda mektep dırektory kúdikke ilindi

NUR-SULTAN. QazAqparat - Pavlodar oblysynyń Sybaılas jemqorlyqqa qarsy qyzmeti Ekibastuz qalasynyń jalpy orta bilim beretin mektebiniń dırektoryna qatysty isti qarap jatyr, dep habarlaıdy QazAqparat tilshisi.

«Mektep dırektorynyń ústinen sybaılas jemqorlyq qylmystyq quqyq buzýshylyq jasaý kúdigi boıynsha sotqa deıingi tergeý júrgizilýde. Ol orys tili men ádebıeti pánderi boıynsha oqý saǵattaryn bergeni úshin mektep kitaphanasynyń meńgerýshisinen zańsyz aqshalaı syıaqy alýda kúdikke ilindi», - dedi Sybaılas jemqorlyqqa qarsy is-qımyl agenttiginiń 1-shi departamentiniń asa mańyzdy ister jónindegi tergeýshisi Danııar Bekaıdarov onlaın brıfıng barysynda.

Tergeý aıaqtalyp, aıyptalýshyny sotqa berý týraly máseleni sheshý úshin is materıaldary prokýratýraǵa jiberilgen.