Oqý oryndarynyń basshylary bolashaq stýdenttermen kezdesedi
ASTANA. 14 mamyr. QazAqparat - Ústimizdegi jyldyń 17 mamyrynda Qazaqstan Respýblıkasy Tuńǵysh Prezıdenti murajaıynda Astana qalasynyń jetekshi joǵary oqý oryndary: L.N.Gýmılev atyndaǵy Eýrazııa ulttyq ýnıversıteti, S.Seıfýllın atyndaǵy Qazaq agrotehnıkalyq ýnıversıteti, «Astana medıtsınalyq ýnıversıteti» AQ basshylarynyń bolashaq talapkerlermen kezdesýi ótkiziledi.
Memlekettiń kórsetken qoldaýynyń nátıjesinde adam kapıtalyn damytý qajettiligi men mańyzdylyǵy jáne bilim salasyndaǵy reformalardy júrgizýdi jan-jaqty qoldaý sharalary Qazaqstan Respýblıkasyndaǵy bilimniń qarqyndy damýy men ósip-órkendeýiniń negizi bolyp tabylady.
Murajaıdyń bilim baǵdarlamasynyń negizinde Memleket basshysynyń bastamasymen qurylǵan «Zııatkerlik ult-2020» jalpyulttyq baǵdarlamasyn júzege asyrýdaǵy maqsat - zııatkerlik elıtany qalyptastyra otyryp, Qazaqstan halqyn básekege qabiletti etý. Murajaı búkil bilim mekemelerimen yntymaqtastyq negizinde júıeli jumys atqarýda.
XXI ǵasyrda mádenıet pen zııatkerlik elıtany qalyptastyrý arqyly qoǵamdaǵy bilimdilik deńgeıin sheshýge baǵyttalǵan ortaq baǵdarlamanyń negizinde mynadaı seriktesterdiń «QR Tuńǵysh Prezıdenti murajaıy - balabaqsha - mektep - kolledj - joǵary oqý orny» tyǵyz qarym-qatynasynyń arqasynda murajaılyq sabaqtar, kezdesýler, balalarǵa arnalǵan merekeler ótkiziletin Lektorıı júzege asyrylýda.
Joǵary mektep rektoratymen kezdesýdegi basty maqsat - mektep túlekteriniń tańdaǵan bilim mekemesinde kásibı kadrlardy daıyndaýdaǵy ınnovatsııalyq tásilderdiń bolýy, alǵan bilimdi tájirıbe júzinde qoldana otyryp, eńbek naryǵynda básekege qabiletti bolý múmkindigine ıe bolý. Ulttyq strategterdiń, basqarýshylardyń jáne uıymdastyrýshylardyń bolashaǵy tańdaý jasaǵan bilim mekemeleriniń tarapynan usynylǵan bilim qyzmetiniń sapasyna baılanysty.
Qazaqstan Respýblıkasy Tuńǵysh Prezıdenti murajaıyndaǵy kezdesýge №№ 4, 17, 15 mektepteriniń úzdik túlekteri men mektep prezıdentteri shaqyryldy.
Qatysýshylarǵa joǵary mektep atynan rektorlar men prorektorlardyń mektep túlekteriniń aldynda tolyqqandy aqparat beretin arnaıy baǵdarlama ázirlendi.
