Oqý-aǵartý jáne Ǵylym mınıstrlikteri bilim salasyndaǵy vedomstvoaralyq keńes qurdy

ASTANA. QazAqparat – Eki mınıstrlik arasynda bilim salasyndaǵy qoǵamdyq qatynastardy jetildirip, memlekettik saıasattyń negizgi basymdyqtaryn aıqyndaýmen aınalysatyn vedomstvoaralyq keńes quryldy, dep habarlaıdy QazAqparat tilshisi.

Atalǵan keńesti jasaqtaý týraly buıryqqa Oqý-aǵartý men Ǵylym jáne joǵary bilim mınıstrleri qol qoıdy.

«Bilim berý salasyndaǵy qoǵamdyq qatynastardy jetildirý, osy saladaǵy memlekettik saıasattyń negizgi qaǵıdattaryn aıqyndaý, normatıvtik quqyqtyq aktilerdi ózektendirý máseleleri jónindegi vedomstvoaralyq keńes qurylsyn», - delingen Ǵylym jáne joǵary birim mınıstrliginiń resmı saıtynda jarııalanǵan birlesken buıyryqta.

Qujatta kórsetilgendeı, qeńes myna mindetterdi atqarady:

- bilim salasyndaǵy biryńǵaı memlekettik saıatatty qalyptastyrý;

- bilim berý salasyndaǵy ulttyq basymdyqtardy aıqyndaý;

- bilim berý salasyndaǵy normatıvtik-quqyqtyq aktilerdi jetildirý boıynsha usynystardy qaraý jáne ázirleý;

- barlyq deńgeılerde bilim alý úshin qajetti jaǵdaı jasaý.

Keńes quramyna eki mınıstrliktiń basshylary men ózge de ókilderi enedi.